Bas tu hi tu

koi aahat jo mere kaano se takraye
toh mujhe tera hi nagma sunayi deta hai..
koi parchhayi bhi agar samne aa jaye
toh mujhe tera hi chehra dikhayi deta hai..

kyun main tujhe har waqt mehsoos karti hoon
kyun meri dhadkan tera hi geet gaati hai..
main ye jaanti hoon main tujhse bahot door hoon
fir kyun teri khushboo mujhe mehka jaati hai..

tere khayalo se meri subah jagti hai
fir teri yaado mein din dhal jaata hai..
aur meri neende ye soch kar chali aati hai
kam se kam tu khwabo mein toh milne aata hai..

nahi jaanti ye mere intehaan ka agaaz hai ya anjaam
ya shayad baaki hai aur koi intezaar..
kab ayega wo din jab hoga tu ru-ba-ru mujhse
meri nazarein taras rahi hai karne ko tera deedar....

Bas yu hi

Kuch chahatein dil mein chupaye nahi chupti
zubaan par na sahi par aankhon se jhalak hi jaati hai,
tujhe yaad naa karne ki kitni hi koshish kyun na karu
par teri yaad jaane kaha se aa hi jaati hai....